اسلام آباد : مئی کا تیسرا ہفتہ : مہنگائی کی شرح میں 0.33 فیصد اضافہ

اسلا آباد : مالی سال 2018-19ء کے گیارہویں ماہ ( مئی 2019ء ) کے تیسرے ہفتے میں مہنگائی کی شرح میں0.33 فیصد اضافہ ریکارڈ کیا گیا، جبکہ کم آمدنی والے طبقے کے لئے قیمتوں کے حساس اشاریئے میں 0.38فیصد اضافہ ریکار ڈ کیا گیا۔

پاکستان بیور و شماریات کے اعداد و شمار کے مطابق 23 مئی کو ختم ہونے والےہفتے کے دوران گندم، آٹا ،روٹی سادہ ،کیلے، ٹماٹر،پیاز ، دال مونگ ، دال ماش، خوردنی تیل، انڈے، گڑ، بیف،مٹن،باسمتی چاول ،اری چاول ،آلو،ویجی ٹیبل گھی ،سمیت 18 اشیائے ضروریہ کی قیمتوں میں اضافہ ہوا ۔

زندہ مرغی،دال مسور ، چنے کی دال ،ایل پی جی ،چینی ،لہسن ،سمیت 6اشیائے ضروریہ کی قیمتوں میں کمی ریکارڈ کیگئی، ادارہ شماریات کے مطابق پیٹرول ، ہائی سپیڈ ڈیزل، مٹی کاتیل ،گیس نرخ ، بجلی کے نرخ ،چائے، سرخ مرچ ،مسٹرڈ آئل ،ملک پاؤڈر،نمک ،سگریٹ،تازہ دودھ ، دھی، صابن ، سمیت 29 اشیائے کی قیمتوں میں استحکام رہا۔

ادارہ شماریات کے مطابق گزشتہ ہفتہ کے مقابلے میں آٹھ ہزار تا بارہ ہزار آمدنی ، بارہ ہزار تا اٹھارہ ہزار آمدنی ، اٹھارہ ہزار تا پینتیس ہزار تک اور پینتیس ہزار روپے سے زائد آمدنی والے افراد کے گروپوں کیلئے قیمتوں کے حساس اعشاریے میں بالترتیب 0.36، 0.36 ،0.33 اور 0.29 فیصد اضافہ ریکارڈ کیا گیا۔

Comments

comments