آئی ایم ایف کا وفد پاکستان پہنچ گیا، قرض کی دوسری قسط پر مذاکرات ہوں گے

اسلام آباد: عالمی مالیاتی ادارے (آئی ایم ایف) کا وفد پاکستان پہنچ گیا ہے ، وفد پاکستان میں پروگرام کےتحت پہلے دیے گئے قرض کا جائزہ لے گا اور کارکردگی کی بنیاد پر پاکستان کو قرض کی دوسری قسط دی جائے گی۔

تفصیلات کے مطابق وزرات خزانہ کے ذرائع کا کہنا ہے کہ عالمی مالیاتی ادارے کے اعلیٰ سطح مشن کی اسلام آباد آمد ہوئی ہے۔ وفدکی سربراہی ارنیستورامیریز ریگو کر رہے ہیں۔

اپنے دورے کے دوران آئی ایم ایف کا وفد اہم ملاقاتیں کرے گا جب کہ وزارت ِ حکام سے عالمی مالیاتی ادارے کے وفد کی ملاقات کل ہوگی۔

مالیاتی ادارےکا وفد پروگرام کےتحت پاکستانی کارکردگی کاجائزہ لےگا اور جائزےکی کامیاب تکمیل پر پاکستان کوقرض کی دوسری قسط حاصل ہوجائےگی۔

یہ بھی پڑھیں: پاکستان کو آئی ایم ایف سے قرض کی پہلی قسط موصول

دوسری قسط کاحجم45 کروڑ 30 لاکھ ڈالرہوگا، پاکستان کوملنےوالی پہلی قسط کاحجم99کروڑ10لاکھ ڈالرتھا۔

آئی ایم ایف کا وفد 7نومبرتک پاکستان میں قیام کرےگا، پہلاجائزہ مثبت نوٹ پرختم ہونے کی توقع ہے جب کہ آئی ایم ایف پاکستان کے اقدامات کی تعریف کرچکاہے۔

واضح رہے کہ چند روز قبل ڈائریکٹرمڈل ایسٹ اورسینٹرل ایشیاڈپارٹمنٹ آئی ایم ایف جہاد اظہور نے بات چیت کرتے ہوئے کہا تھا کہ اصلاحاتی پلان آئی ایم ایف کی مدد سے جاری ہے، آئی ایم ایف وفد اسلام آباد میں معاشی معاملات کا جائزہ لے گا۔

ڈائریکٹرمڈل ایسٹ اورسینٹرل ایشیاڈپارٹمنٹ آئی ایم ایف کا کہنا تھا کہ میکرواکنامک استحکام کےلیےاسٹیٹ بینک جبکہ مالیاتی معاملات پر وزارت خزانہ نے متعدد اقدامات کیے ہیں۔

Comments

comments