جدید طریقوں کو بروئے کار لا کر ماہی گیری کی صنعت کو فروغ دیں گے: وزیر اعظم

کراچی: وزیر اعظم عمران خان نے کہا ہے کہ ہم جدید طریقوں کو بروئے کار لا کر ماہی گیری کی صنعت کو فروغ دیں گے.

ان خیالات کا اظہار انھوں نے ایگرو، فوڈ، ماہی گیری، ادویات سیکٹرز کے وفود سے خصوصی ملاقات کے موقع پر کیا.

وزیر اعظم نے کہا کہ زراعت کے فروغ کے لئے ٹاسک فورس جامع اقدامات کر رہی ہے، جن کے مثبت نتائج آئیں گے.

ان کا کہنا تھا کہ ماہی گیری سےمتعلق بھی ہم نےچین سےمعاہدہ کیا ماہی گیری کی صنعت کو فروغ دیں گے.

وزیراعظم عمران خان نے کہا ہے کہ مقصد صنعت کاروں، تاجروں کے مسائل حل ہے، جس کے لیے اقدامات کیے جارہے ہیں.

خیال رہے کہ آج وزیر اعظم عمران خان اور گورنر سندھ عمران اسمعٰیل کی ون آن ون ملاقات ہوئی، ملاقات میں سندھ کی سیاسی صورتحال، امن و امان اور ترقیاتی منصوبوں سمیت اہم امور پر بات چیت ہوئی۔

گورنر سندھ نے تاجروں کے مسائل اور مطالبات سے متعلق آگاہ کیا، انہوں نے وزیر اعظم کو صوبہ سندھ خصوصاً کراچی میں وفاق کے تعاون سے جاری منصوبوں پر بریفنگ بھی دی۔

Comments

comments