سونے کی قیمت تاریخ کی بلند ترین سطح پر پہنچ گئی

کراچی: ملک بھر میں رواں ہفتے کے تیسرے کاروباری روز کے دوران عالمی سطح پر قیمتیں بڑھنے کے بعد صرافہ مارکیٹوں میں فی تولہ سونے کی قیمت میں 2 ہزار روپے کا اضافہ ریکارڈ کیا گیا۔

تفصیلات کے مطابق عالمی منڈی میں سونے کی قیمتوں میں اضافے کے بعد مقامی صرافہ مارکیٹوں میں بھی سونے کی قیمتوں میں اضافہ دیکھا گیا۔

جیولرز ایسوسی ایشن کے مطابق فی تولہ سونے کی قیمت 2 ہزار روپے اضافے کے بعد ایک لاکھ 5 ہزار 100 روپے ہوگئی۔

دس گرام سونا 1715 روپے مہنگا ہوکر 90 ہزار 106 روپے کا ہوگیا،جبکہ عالمی صرافہ بازار میں سونے کی قدر 20 ڈالر اضافے سے 1777 ڈالر فی اونس ہے۔

یاد رہے کہ گزشتہ روز عالمی بلین مارکیٹ میں سونے کی قیمت میں 9 ڈالر کا اضافہ ہوا تھا اور عالمی بازار میں فی اونس سونے کی قیمت 1757 ڈالر کی سطح پر پہنچ گئی تھی۔

0

20

Comments

comments