پاکستان اسٹاک ایکسچینج کا چین کے ساتھ مشترکہ ٹریڈنگ کا معاہدہ

کراچی: پاکستان اسٹاک ایکسچینج نے 72 سالہ تاریخ میں اہم سنگ میل عبور کرلیا ۔برادر ملک چین کے ساتھ مشترکہ ٹریڈنگ کا معاہدہ کرلیا گیا ہے۔

تفصیلات کے مطابق میڈیا بریفنگ میں چیئرمین پاکستان اسٹاک ایکسچینج سلیمان مہدی نے کہا ہے کہ کہ یہ ٹریڈنگ پلیٹ فارم اپنے ہی پارٹنر شینزین اسٹاک ایکسچینج سے لیا جارہا ہے جب کہ دیگر ممالک کی نسبت ان کی شرائط بہتر اور آسان تھیں لمبے عرصے کی ٹریڈنگ کے لئے ہر پانچ سال بعد لائسنس کی تجدید ضروری نہیں ہے۔

سلیمان مہدی نے بتایا معاہدہ کا مجموعی حجم 28 لاکھ 50 ہزار ڈالرز پر مشتمل ہے جس کی ادائیگی آسان شرائط پر پانچ سال میں ہو گی۔

انہوں نے کہا کہ شینزین دنیا کی تیسری بڑی اسٹاک مارکیٹ ہے جہان ایک دن میں 40 لاکھ سودے ہوتے ہیں اور ایک سیکنڈ میں دو ہزار سودے بک کئے جاتے ہیں۔

سلیمان مہدی نے وضاحت دیتے ہوئے کہا کہ کسی بھی معاہدے کے لئے چیئرمین اور سی ایس او کا عہدوں پر ہونا ضروری نہیں، امید ہے نئے سی سی او کی تقرری اگلے ماہ ہوجائے گی۔

انہوں نے بتایا کہ چین کے سرمایہ کاروں کو ہماری ایکسچینج میں سرمایہ کاری کے لئے چینی حکومت سے پہلے اجازت لینا ہوتی ہے۔

Comments

comments