چھوٹے تاجروں کی رجسٹریشن ہوگی، شبر زیدی

اسلام آباد : چیئرمین ایف بی آر شبر زیدی کا کہنا ہے کہ چھوٹے تاجروں کے مسائل بہت زیادہ ہیں، کچھ ہماری خامیاں ہیں اور کچھ کلچر کا بھی رول ہے۔

تفصیلات کے مطابق فیڈرل بورڈ آف ریونیو (ایف بی آر) کے چیئرمین شبر زیدی نے کہا کہ ملک میں کبھی چھوٹے تاجر کے ٹیکس مسائل کو اس طرح نہیں دیکھا گیا جیسے موجودہ حکومت میں دیکھا جا رہا ہے، چھوٹے تاجروں کے مسائل بہت زیادہ ہیں۔

شبز زیدی کا کہنا تھا کہ تاجروں نے ہمارے ساتھ تعاون کیا ہے، آج ہم نئے دن کا آغاز کر رہے ہیں،کمیٹیاں اپنا کام شروع کریں گی، چھوٹے تاجران کی رجسٹریشن ہوگی، دونوں طرف سے مسائل ہیں، کچھ ہماری خامیاں ہیں اورکچھ کلچرکا بھی رول ہے۔

چیئرمین ایف بی آر نے مزید کہا کہ پاکستان کے تمام تاجران کا حکومت کی طرف سے شکریہ ادا کرتا ہوں۔

یاد رہے کہ رواں ماہ 3 جنوری کو چیئرمین ایف بی آر شبر زیدی نکا کہنا تھا کہ 31جنوری کے بعد شناختی کارڈ کی شرط نافذ العمل ہوگی، ہم نے یہ شرط کبھی واپس نہیں لی تھی، تمام تاجروں کو ٹیکس کے دائرہ کار میں لایا جائے گا۔

Comments

comments