اسلام آباد: کورونا کیسز رپورٹ ہونے پر 2 کالجز بند

ڈسٹرکٹ ہیلتھ آفیسر اسلام آباد نے ڈپٹی کمشنر کو خط لکھ کر آگاہ کیا ہے کہ 2کالجوں میں کورونا کے 6 کیسز رپورٹ ہوئے ہیں

کورونا اب تعلیمی اداروں کو بھی اپنی گرفت میں لے رہا ہے، اے آر وائی نیوز کے مطابق وفاقی دارالحکومت اسلام آباد کے دو کالجوں میں کورونا کے مثبت کیسز رپورٹ ہوئے ہیں۔

اس حوالے سے سے ڈی ایچ او اسلام آباد نے ڈپٹی کمشنر کو خط لکھ کر آگاہ کیا ہے۔

ڈسٹرکٹ ہیلتھ آفیسر نے فوری طور پر مذکورہ دونوں کالجز کو تاحکم ثانی بند کرنے اور جراثیم کش اسپرے کرنے کی ہدایت کی ہے۔

خط میں کہا گیا ہے کہ وفاقی انتظامیہ دونوں کالجزمیں کونٹیکٹ ٹریسنگ اور ٹیسٹنگ کرے جب کہ پازیٹو طالبات کےقریبی افراد کے ٹیسٹ بھی کرائے جائیں۔