شادیوں اور کھانوں کا سیزن عروج پر، وزن پر کیسے قابو پایا جائے؟

وزن بڑھنے سے مرد و خواتین پریشان دکھائی دیتے ہیں اور وزن کم کرنے کی سرتوڑ کوشش کرتے ہیں لیکن اس میں کامیابی نہیں ملتی ہے۔

رواں ماہ شادیوں اور کھانوں کا سیزن عروج پر ہے، ملک کے عوام شادیوں میں جوق در جوق شرکت کرتے ہیں اور پوری فیملی ہی شادی میں مدعو ہوتی ہے، ایسے میں خواتین ہو یا مرد کھانا کھلتے ہی لوگ اس پر ٹوٹ پڑتے ہیں اور وزن بڑھنے کی پرواہ کیے بغیر خوب سیر ہوکر کھانا کھایا جاتا ہے۔

پروگرام باخبر سویرا میں ڈاکٹر ام راحیل نے گفتگو کرتے ہوئے کہا کہ کھانا سب کچھ چاہئے لیکن تھوڑا اعتدال کے ساتھ کھانا چاہئے اس لیے کہ پیٹ بھی آپ کا اپنا ہے، آپ سب کچھ کھائیں حلوے بھی کھائیں لیکن میدے کو اپنا سمجھ کر کھائیں۔

انہوں نے کہا کہ کھانا کھر بیٹھنا نہیں چاہئے عموماً ہوتا یہ ہے کہ لوگ کھانا تو کھالیتے ہیں لیکن پھر بیٹھ جاتے ہیں اور دوسرے وقت کا بھی کھانا کھالیا جاتا ہے۔

ایک سوال کے جواب میں ڈاکٹر ام راحیل نے کہا کہ شادیوں کے کھانے میں ایک چیز کا خیال رکھیں دوپہر میں کچھ ہلکا کھالیں، سبزی، جوس وغیرہ استعمال کرلیں، شادی میں نان اور روٹی کم سے کم کھائیں، پروٹین زیادہ کھالیں، پروٹین سے مراد گوشت، مچھلی، انڈے، چکن، دالیں کھاسکتے ہیں۔

ڈاکٹرام راحیل کے مطابق پھلوں کا استعمال بھی وزن کم کرنے میں معاون ثابت ہوتا ہے، تربوز، کھیرا، ٹماٹر، ناریل کا پانی، لیموں کا استعمال وزن کم کرنے میں مدد گار ثابت ہوگا اس کے علاوہ دھوپ میں چہل قدمی بھی کرلی جائے تو بہتر ہے۔

Comments

comments