کیا گرم پانی پینے سے کرونا وائرس ختم ہوجاتا ہے؟

کرونا وائرس دنیا کے 170 سے زائد ممالک تک پھیل چکا ہے جس سے متاثر ہونے والی دس ہزار سے زائد افراد ابدی نیند سوگئے۔

دنیا بھر کے ماہرین کرونا وائرس کو شکست دینے کے لیے کوشاں ہیں اور وہ ویکسین کی تیاری پر کام کررہے ہیں البتہ اب تک کوئی حتمی نتیجہ سامنے نہیں آسکا۔

سماجی رابطے کی ویب سائٹ پر گزشتہ کئی روز سے ایک کتاب کے صفحے کا حصہ زیر گردش ہے جس میں بتایا گیا کہ چھیس یا ستائیس سینٹی گریڈ کے درجہ حرارت والا (گرم) پانی اور سورج کی شعاعیں وائرس کو مار دیتیں ہیں۔

سوشل میڈیا صارفین نے بغیر تصدیق کے اس صفحے کی تصویر کو شیئر کیا اور دوسروں کو عمل کی تلقین بھی کی۔

اے آر وائی نیوز کے پروگرام الیونتھ آور کے میزبان اور نامور صحافی وسیم بادامی نے سوشل میڈیا پر وائرل ہونے والی تصویر یونیسیف کو ارسال کی اور بتایا کہ اس قسم کی افواہوں نے سادہ لوح عوام کر پریشان کیا ہوا ہے۔

یونیسیف پاکستان نے وسیم بادامی کا شکریہ ادا کرتے ہوئے کہا کہ صحافیوں کی جانب سے جعلی معلومات کے خلاف ہم سب کو مل کر ہی لڑنا ہے اور لوگوں تک درست تصدیق شدہ معلومات پہنچانی ہیں۔

اقوام متحدہ کے ادارہ برائے اطفال (پاکستان) نے دیگر صحافیوں سے بھی اپیل کی کہ وہ جعلی خبروں کی روک تھام کے لیے اپنا کردار ادا کریں اور عوام کی آن لائن مدد کریں۔

⚠️ Beware of misinformation. The message in this photo is NOT from UNICEF. The information it contains is not…

عالمی ادارہ صحت (ڈبلیو ایچ او) کی جانب سے اب تک کرونا وائرس کی علامات اور اس سے بچاؤ کی احتیاطی تدابیر بتائی گئی ہیں جس میں عوام کو بتایا گیا ہے کہ وہ غیر ضروری طور پر گھروں سے باہر نہ نکلیں، سماجی فاصلہ قائم کریں، ہر تھوڑی دیر بعد ہاتھوں کو دھوئیں، علامات ظاہر ہونے پر فوری ڈاکٹر سے رجوع کریں، جراثیم کش سینیتائزر کا استعمال ضرور کریں۔

ڈبلیو ایچ او نے یہ بھی تاکید کی ہے کہ اگر کسی شخص کو کرونا کی علامات ظاہر ہوں یا اُس کی متاثرہ شخص سے ملاقات ہوئی ہو تو وہ خود کو چودہ روز تک دوسروں سے علیحدہ کرلے۔

0

20

Comments

comments