کیا ہمارا جسم کچھ عرصے بعد بالکل نیا ہوجاتا ہے؟

کیا آپ جانتے ہیں ہمارے جسم کے تمام خلیات کچھ عرصے بعد تحلیل ہو کر نئے سرے سے بننا شروع ہوجاتے ہیں؟

ہمارا جسم آج سے 10 سال قبل جیسا تھا آج اس سے بالکل مختلف ہوگا۔ اس کی وجہ یہ ہے کہ ہمارے جسم کے تمام اعضا کے خلیات ایک خود کار نظام کے تحت پرانے ہو کر ٹوٹتے جاتے ہیں اور ان کی جگہ نئے خلیات لیتے جاتے ہیں۔

آئیں آج ہم آپ کو بتاتے ہیں کہ ہمارے جسم کا کون سا حصہ کتنے عرصے بعد بالکل نیا ہوجاتا ہے۔

بال

ہمارے سر کے بال 2 سے 7 سال کے اندر ٹوٹتے جاتے ہیں اور ان کی جگہ بالکل نئے بال آجاتے ہیں۔

ناخن

ہمارے پاتھ پاؤں کے ناخنوں کی عمر 6 ماہ ہے۔ 6 ماہ بعد نئے ناخن پرانے ناخنوں کی جگہ لے لیتے ہیں۔

خون کے سرخ خلیات

ہمارے خون کے سرخ خلیات ہر 4 ماہ بعد نئے خلیوں سے تبدیل ہوجاتے ہیں۔

ہڈی

ہمارے جسم کی ہر ہڈی 10 سال بعد تبدیل ہو کر نئی بن جاتی ہے۔

ڈھانچے کے عضلات

ہمارے ڈھانچے کے تمام عضلات ہر 15 سال بعد نئے ہوچکے ہوتے ہیں۔

خلیہ

جسم میں موجود خلیے بذات خود نئے سرے سے تشکیل پانے میں 2 سے 4 ہفتے کا وقت لیتے ہیں۔

دماغی نیورونز

ہمارے دماغی نیورونز کبھی تبدیل نہیں ہوتے اور پیدائش سے لے کے موت تک یکساں رہتے ہیں۔

Comments

comments