گنج پن سے چھٹکارا اور بالوں کی صحت کیلئے بہترین نسخہ

گنج پن مردوں کا ایسا مسئلہ ہے جو بہت عام اور ان کی ذہنی صحت کو پریشان کردینے والا ہوتا ہے، اس پریشانی سے چھٹکارا حاصل کرنے کیلئے مرد حضرات بہت جتن بھی کرتے ہیں۔

ماہرین کے مطابق مایوسی، ڈپریشن، بلڈپریشر بالوں کے سب سے بڑے دشمن ہیں مگر اب ماہر صحت نے اس کا آسان علاج بتایا ہے ، جس کے بعد آپ کو کسی دوسرے علاج یا مشوروں کی ضرورت نہیں رہے گی۔

خواتین کی نسبت مردوں میں بالوں کے گرنے کی شرح زیادہ کیوں ہے؟ بالوں کو بچانے کا سب سے آسان علاج کیا ہے؟ اس حوالے سے اے آر وائی نیوز کے پروگرام باخبر سویرا میں ڈٖاکٹر کاشف نے مفید مشوروں سے آگاہ کیا۔

ڈٖاکٹر کاشف نے بتایا کہ بال دھونے کیلئے کھارا پانی بالکل استعمال نہ کریں اور اگر کرنا بھی پڑے تو کھارے پانی کی بالٹی میں نہانے سے پہلے پھٹکری ڈال کر ہلا لیں، شاور کے بجائے بالٹی اور ڈونگے سے نہانا زیادہ فائدہ مند ہے۔

انہوں نے بتایا کہ نیند کی کمی بھی بالوں کے گرنے کی بڑی وجہ ہے اس کے علاوہ بالوں کی مضبوطی کیلئیے ہری سبزیاں بہت مفید ہیں، چائنیز فوڈ بھی کھانے چاہیئں ی ہبالوں کو سفید ہونے سے روکتے ہیں۔

ڈٖاکٹر کاشف نے بالوں کی حفاظت کیلئے ایک نسخہ بتایا جس کا نام انہوں نے مدیحہ ہیئر ماسک رکھا ہے اس کے اجزاء میں شامل ہے، مسٹرڈ آئل، ایک چمچ، ایگزی ہیئر آئل ایک چمچ ڈسٹلڈ واٹر، ایک انڈا، شہد آدھا چمچ اور ایلو ویرا جیل

ان سب چیزوں کو ملا کر نہانے سے پہلے بالوں کی جڑوں میں لگائیے اور تھوڑی دیر بعد عام سے شیمپو سے دھو لیں، مرد ہوں یا خواتین سب یہ نسخہ باآسانی استعمال کرسکتے ہیں۔

Comments