5 ماہ میں دو بار لاکھوں ڈالر کی لاٹری جیتنے کے بعد اسکول جانے کا خواہشمند نوجوان

28 سالہ میل ہِگ میل ہِگ مجموعی طور پر 35 لاکھ کینیڈین ڈالر جیت چکے ہیں—.فوٹو/ بشکریہ ونی پیگ سن

انہوں نے پہلی بار رواں برس اپریل میں لاٹری جیتی، جس میں انہیں 15 لاکھ کینیڈین ڈالر ملے تھے جس سے انہوں نے اپنے اہل خانہ کو ایک فلیٹ سے مکان میں منتقل کیا۔

میل ہِگ کی قسمت اگست میں دوبارہ اُس وقت چمکی جب انہوں نے 20 کینیڈین ڈالر سے ٹکٹ خریدا اور ‘اسکریچ انڈ وِن’ لاٹری ٹکٹ سے 20 لاکھ کینیڈین ڈالر کا جیک پوٹ جیت لیا۔

میل ہِگ کا کہنا تھا کہ وہ ان پیسوں سے اپنا کاروبار شروع کرنا چاہتے ہیں، امکان ہے کہ وہ پیٹرول اسٹیشن یا کار واش اسٹیشن کھولیں گے اور پھر اس کے بعد وہ اسکول جانا چاہتے ہیں۔

ان کا مزید کہنا تھا، ’میرا بنیادی مقصد اسکول جانا ہے، میں اپنی انگریزی بہتر کرنا چاہتا ہوں اور ساتھ ہی کچھ ہنر بھی سیکھنا چاہتا ہوں جیسے کہ لکڑی کا کام وغیرہ‘۔